თიბისი საფულე

• თიბისი საფულე ანდროიდის ოპერაციული სისტემის ტელეფონებისთვის შექმნილი აპლიკაციაა, რომლითაც შეგიძლიათ ნებისმიერ სავაჭრო თუ მომსახურების ობიექტზე, სადაც აქვთ POS ტერმინალი, გადაიხადოთ მობილური ტელეფონით, პლასტიკური ბარათის გარეშე
• აპლიკაციის გამოყენება შესაძლებელია ყველა ტერმინალზე, რომელსაც აქვს უკონტაქტო ტრანზაქციების მხარდაჭერა
• თიბისი საფულე საშუალებას გაძლევთ, დაამატოთ ნებისმიერი VISA ან MasterCard ბარათი და შეასრულოთ სასურველი ტრანზაქცია
• აპლიკაციაში ასევე შეგიძლიათ იხილოთ თქვენი ტრანზაქციების ისტორიები

თიბისი საფულით სარგებლობა შეუძლია თიბისი ბანკის ყველა კლიენტს, ვისაც აქვს:

• VISA ან MasterCard ბარათი
• ანდროიდის ოპერაციული სისტემის ტელეფონი
• თიბისის ინტერნეტ ბანკი

მობილურ ტელეფონს უნდა ჰქონდეს:

• ანდროიდის ოპერაციული სისტემა 4.4 ან უფრო ახალი
• NFC მხარდაჭერა

• თიბისი საფულით სარგებლობა სრულიად უფასოა
• აპლიკაციას სჭირდება ინტერნეტი, რაზეც გავრცელდება თქვენი მობილური ოპერატორის სტანდარტული ტარიფი
• თიბისი საფულით განხორციელებულ ტრანზაქციებზე არანაირი დამატებითი ტარიფები არ მოქმედებს

აპლიკაცია შეგიძლიათ გადმოტვირთოთ Google Play-დან.

ამისთვის საჭიროა:

• დარეგისტრირებული იყოთ Google Play-ის მომხმარებლად,
• იპოვოთ აპლიკაცია Google Play-ის ფინანსების კატეგორიაში სახელით TBC Wallet
• ან გამოიყენოთ Google Play-ის ძიების ფუნქცია.

თიბისი საფულით რომ ისარგებლოთ საჭიროა, იყოთ თიბისის ინტერნეტბანკის/მობაილბანკის მომხმარებელი.

თიბისი საფულის აპლიკაციაში რეგისტრაციისთვის მიყევით შემდეგ ნაბიჯებს:

1.        ავტორიზაციის გვერდი: შეიყვანეთ თიბისის ინტერნეტბანკის/მობაილბანკის მომხმარებლის სახელი და პაროლი

2.        SMS ავტორიზაცია: შესაბამის ველში შეიყვანეთ თქვენს ნომერზე გამოგზავნილი კოდი. თუ დაფიქსირებული მობილურის ნომერი არ ემთხვევა თქვენს რეალურ ნომერს, უნდა შეცვალოთ ტელეფონის ნომერი ინტერნეტბანკის საშუალებით ან დაუკავშირდეთ ცხელ ხაზს.

3.        პასკოდის დაყენება: აირჩიეთ თქვენთვის სასურველი 5-ნიშნა პასკოდი, რისი საშუალებითაც თქვენ უფრო მარტივად შეძლებთ აპლიაციაში შესვლას.

4.        თითის ანაბეჭდის ფუნქცია (თუ თქვენს ტელეფონს ეს ფუნქცია არ აქვს, გამოტოვეთ ეს საფეხური) : თუ თქვენს ტელეფონს აქვს თითის ანაბეჭდით ტელეფონის განბლოკვის ფუნქცია, აპლიკაცია შემოგთავაზებთ თიბისი საფულისთვის თითის ანაბეჭდით ავტორიზაციის ჩართვას. ჩართვის შემთხვევაში, თიბისი საფულეში შესვლას შეძლებთ უკვე თითის ანაბეჭდით.

როდესაც აპლიკაციის მომხმარებელი ხართ და ახალი ბარათების დამატება გსურთ:

1.        მთავარ გვერდზე, ზედა მარჯვენა კუთხეში დააჭირეთ თქვენს პროფილის სურათს, თქვენი სახელის და გვარის გვერდით. შედეგად, გახსნით მთავარ მენიუს

2.        დააჭირეთ ღილაკს „ბარათების მართვა“

3.        გამოგიჩნდებათ თქვენი აქტიური ბარათების ჩამონათვალი, აირჩიეთ სასურველი ბარათ(ებ)ი და დააჭირეთ ღილაკს „შემდეგ“

4.        აირჩიეთ ძირითადი ბარათი, რომელიც გამოიყენება გადახდების შესასრულებლად თიბისი საფულის გახსნის გარეშე. (იხ. კითხვა „რა არის გადახდის მეთოდი?“)

5.        ბარათ(ებ)ის დამატებას რამდენიმე წუთი სჭირდება, რის შემდეგაც ბარათები გამოგიჩნდებათ მთავარ გვერდზე

როდესაც აპლიკაციას იყენებთ პირველად,  მთავარ გვერდზე დააჭირეთ ღილაკს „ბარათების დამატება“ და გაიარეთ ზემოთ ჩამოთვლილი საფეხურები მე-3 საფეხურიდან

• ძირითადი ბარათი გამოიყენება გადახდების შესასრულებლად თიბისი საფულის გახსნის გარეშე, ტელეფონის განბლოკვით (დამატებითი ინფორმაციისთვის იხ. კითხვა „რა არის გადახდის მეთოდი?“)
• აპლიკაცია მოგთხოვთ, აირჩიოთ ძირითადი ბარათი ბარათების დამატების შემდეგ
• ძირითადი ბარათის შეცვლა შესაძლებელია მთავარ გვერდზე ბარათზე არსებული ვარსკვლავის მონიშვნით.

• თიბისი საფულეში შეგიძლიათ დაამატოთ თიბისი ბანკის VISA და MasterCard ბარათები

თიბისი საფულით გადახდა იგივენაირად ხდება, როგორც პლასტიკური ბარათით:

• მიიტანეთ ტელეფონის უკანა მხარე ტერმინალთან მაქსიმალურად ახლოს
• საუკეთესო შედეგისთვის, ნუ შეახებთ ტელეფონს ტერმინალს
• ტელეფონსა და ტერმინალს შორის დატოვეთ 1-2სმ.

იხ. მეტი გადახდის რეჟიმების შესახებ.

თიბისი საფულით გადახდისას დაგერიცხებათ უფრო მეტი ერთგული ქულა, ვიდრე სტანდარტული ბარათით გადახდის შემთხვევაში.

• აპლიკაციიდან სადებეტო ბარათით გადახდისას დაგერიცხებათ გადახდილი თანხის 0.5% ერთგული ქულა
• აპლიკაციიდან საკრედიტო ბარათით გადახდისას დაგერიცხებათ გადახდილი თანხის 1% ერთგული ქულა

გაითვალისწინეთ, რომ საკრედიტო ბარათების შემთხვევაში, ქულების ნაწილი დაგერიცხებათ მეორე სამუშაო დღეს, ხოლო დარჩენილი ნაწილი დაგერიცხებათ არაუგვიანეს 15 სამუშაო დღისა

თიბისი საფულით ერთგული ქულების გახარჯვა და განვადების გაკეთება არ არის შესაძლებელი 

• თიბისი საფულით გადახდისას, ტერმინალზე პინ-კოდის შეყვანა არ არის საჭირო (ნებისმიერ თანხაზე).
• ეს VISA-ს და MasterCard-ის საერთაშორისო საგადამხდელო სტანდარტია
• პინ-კოდით ტრანზაქციის დადასტურებას, ამ შემთხვევაში, ანაცვლებს ტელეფონის განბლოკვა/ აპლიკაციაში შესვლა პასკოდით ან თითის ანაბეჭდით

აპლიკაციას აქვს 2 გადახდის მეთოდი, რომლის არჩევაც შეიძლება პარამეტრებიდან

• გადახდა აპლიკაციაში შესვლით
• გადახდა ტელეფონის განბლოკვით.

გადახდა აპლიკაციაში შესვლით:  ეს სტანდარტული გადახდის რეჟიმია, რომელიც დაყენებულია აპლიკაციის პირველადი მოხმარებისას. იმისთვის, რომ გადაიხადოთ ამ მეთოდით, აუცილებელია, გახსნათ აპლიკაცია, აირჩიოთ სასურველი ბარათი თითის ასმით და ამის შემდეგ მიიტანოთ ტელეფონი ტერმინალთან.

გადახდა ტელეფონის განბლოკვით:  ეს გადახდის უფრო მარტივი მეთოდია, ამ შემთხვევაში აპლიკაციის გახსნა საჭირო არ არის, უბრალოდ უნდა განბლოკოთ თქვენი ტელეფონი. ამის შემდეგ მიიტანეთ ტელეფონი ტერმინალთან.

იმისათვის, რომ ისარგებლოთ ამ რეჟიმით, აუცილებელია, ტელეფონზე გეყენოთ ეკრანის განბლოკვის შესაბამისი უსაფრთხოება (პასკოდი, თითის ანაბეჭდი...). მარტივი მეთოდით გადახდა შეგიძლიათ მხოლოდ 45 ლარამდე. 45 ლარს ზემოთ მარტივი მეთოდით გადახდისას, აპლიკაცია ავტომატურად გაიხსნება და დაგჭირდებათ აპლიკაციაში შესვლა. შესვლის შემდეგ კვლავ უნდა დაადოთ ტელეფონი ტერმინალს, რითაც დასრულდება გადახდა.

• ეს ანდროიდის ოპერაციული სისტემის პარამეტრია
• თუ თქვენს ტელეფონში გაქვთ 1-ზე მეტი გადახდის აპლიკაცია, ამ პარამეტრით ირჩევთ მთავარ აპლიკაციას
• თიბისი საფულის გამართულად მუშაობისთვის, აუცილებელია გადახდის მთავარ აპლიკაციად არჩეული იყოს TBC Wallet
• სხვადასხვა მწარმოებლის ტელეფონზე ამ პარამეტრის დასახელება შეიძლება ერთმანეთისგან განსხვავებული იყოს

ბარათის ან მობილური ტელეფონის დაკარგვის შემთხვევაში :

•  დარეკეთ ჩვენს სატელეფონო სერვის ცენტრში ნომერზე : (+995 32) 227 27 27 და განაცხადეთ დაკარგული მობილურის ან ბარათის შესახებ
•  ან ეწვიეთ თიბისი ბანკის რომელიმე ფილიალს და აცნობეთ მომხდარის შესახებ

უსაფრთხოების მიზნით, თიბისი ბანკის წარმომადგენელი ბარათის დაკარგვის შემთხვევაში, დაბლოკავს ბარათს, ხოლო დაკარგული მობილურის შემთხვევაში დაბლოკავს თქვენს აპლიკაციას.

• პასკოდი არის 5-ნიშნა კოდი, რომლითაც თქვენ მარტივად შეგიძლიათ აპლიკაციაში შესვლა, მომხმარებლის სახელისა და პაროლის შეყვანის გარეშე
• პასკოდის შეცვლა შეგიძლიათ პარამეტრებიდან
• პასკოდის დავიწყების შემთხვევაში, მისი აღდგენა შეგიძლიათ პასკოდით ავტორიზაციის გვერდიდან. (ამ შემთხვევაში, დააჭირეთ ღილაკს „პრობლემა გაქვთ?“

იხ. მეტი როგორ აღვადგინო დავიწყებული პასკოდი.

• პასკოდით ავტორიზაციის გვერდზე დააჭირეთ ღილაკს "დაგავიწყდა?"
• შეიყვანეთ თქვენი ინტერნეტბანკის/მობაილბანკის მომხმარებლის სახელი და პაროლი
• SMS-ის შესაბამის ველში შეიყვანეთ თქვენს ნომერზე გამოგზავნილი კოდი
• დააყენეთ თქვენთვის სასურველი ახალი 5 ნიშნა პასკოდი. (შემდეგ ნაბიჯზე საჭირო იქნება პასკოდის გამეორება)

• თიბისი საფულის გამოყენება შეიძლება ინტერნეტთან წვდომის გარეშეც, თუმცა ამ დროს ფუნქციონალი შეზღუდულია
• თქვენ შეგიძლიათ შეხვიდეთ აპლიკაციაში, გადაიხადოთ თანხა, შეცვალოთ პასკოდი, შეცვალოთ ენა, გააუქმოთ ანგარიში
• ვერ შეძლებთ ახალი ბარათების დამატებას
• ასევე შეზღუდულია გადახდების რაოდენობა და ნაშთის ნახვა

• არ შეიძლება, ერთსა და იმავე ტელეფონზე ისარგებლობთ თიბისი საფულით და დამაგრებული გქონდეთ სტიკერი

თუ აპლიკაციაში შესვლის შემდეგ რომელიმე ბარათი აღარ გიჩანთ, ამის რამდენიმე მიზეზი შეიძლება არსებობდეს:

• ბარათს გაუვიდა ვადა
• ბარათი გაუქმდა

ნებისმიერ შემთხვევაში თქვენ მიიღებთ შეტყობინებას აპლიკაციაში შესვლისთანავე.

ბარათთან დაკავშირებული პრობლემის შესახებ დეტალური ინფორმაციის გასაგებად დაგვიკავშირდით ცხელ ხაზზე (+995 32) 227 27 27

ბარათს შეიძლება რამდენიმე მიზეზის გამო ვერ ამატებდეთ:

• არ გაქვთ წვდომა ინტერნეტთან. ამ შემთხვევაში დაუკავშირდით ინტერნეტს და სცადეთ განმეორებით
• ტექნიკური პრობლემა მოხდა თქვენი მოთხოვნის გამოგზავნის დროს. ამ დროს განმეორებით სცადეთ ბარათების დამატება რამდენიმე წუთში
• ბარათი, რომლის დამატებასაც სცდილობთ არის დაბლოკილი, გაუქმებული ან ვადაგასული.

დეტალური ინფორმაციის გასაგებად დავიკავშირდით ცხელ ხაზზე (+995 32) 227 27 27

გადახდების პრობლემებთან დაკავშირებით შეიძლება იყოს რამდენიმე მიზეზი:

• არ გაქვთ კავშირი ინტერნეტთან და ამოგეწურათ ოფლაინ გადახდების ლიმიტი. ამ დროს დაუკავშირდით ინტერნეტს და თავიდან სცადეთ გადახდა
• ვერ მყარდება კავშირი ტერმინალთან, თავიდან დაადეთ ტელეფონი ტერმინალს
• იხდით აპლიკაციის გახსნის გარეშე და თქვენი ძირითადი ბარათი დაბლოკილი, ვადაგასული ან გაუქმებულია. ამ შემთხვევაში, გახსენით აპლიკაცია და შეამოწმეთ ბარათი. თუ ბარათს აქვს პრობლემა, თქვენ მიიღებთ შეტყობინებას
• იხდით აპლიკაციის გახსნის გარეშე და პარამეტრებში არ გაქვთ დაყენებული გადახდის მარტივი მეთოდი, ამ შემთხვევაში საჭიროა, პარამეტრებიდან გადახდის მარტივი მეთოდის არჩევა
• თიბისი საფულე არ არის დაყენებული გადახდის მთავარ აპლიკაციად. იხ. კითხვა რას ნიშნავს Default mobile payment service (Tap and Pay default app)?”

თიბისი საფულეში, ასევე, შეგიძლიათ ბარათით შესრულებული ტრანზაქციების ნახვა

• მთავარ გვერდზე დააჭირეთ „ტრანზაქციებს“ ბარათის ქვემოთ, რომ იხილოთ ამ ბარათით შესრულებული ტრანზაქციების ჩამონათვალი
• ტრანზაქციები დალაგებულია თარიღის მიხედვით

• საფულის დეაქტივაციისას წაიშლება თქვენს აპლიკაციაში დამატებული ყველა ბარათის ინფორმაცია
• საფულის აღდგენისათვის თქვენ თავიდან მოგიწევთ რეგისტრაციის გავლა